१७ बैशाख २०७७ , बुधबार

र्‍यापिड टेस्टमा कागेश्वरी मनोहरा नगरपालिकाका युवकमा देखियो कोरोना पोजेटिभ

हेल्थ टिभी अनलाइन \काठमाडौं : काठमाडौंको कागेश्वरी मनोहरा नगरपालिका वडा न ७ बस्ने २१ वर्षीय युवकमा आरडीटी परीक्षण गर्दा पोजेटिभ रिपोर्ट आएको छ ।

गत चैत ७ गते दुबई बाट आएका उनमा आरडीटी पोजेटिभ आएको नगर प्रमुख कृष्णहरी थापाले बताए । आरडीटी पोजेटिभ आएपछि उनलाई पीसीआर विधिमार्फत परीक्षण गर्न टेकुस्थित शुक्रराज ट्रपिकल तथा सरुवा रोग अस्पतालमा पठाइएको छ । उक्त रिपोर्ट भने आइसेको छैन्।

उनमा आरडीटी पोजेटिभ आएपछि उनको परिवार र प्रत्यक्ष सम्पर्कमा आएका १६ जनाको पनि परीक्षण गरिएको थियो । तर परीक्षण गरिएका सबैको रिपोर्ट नेगेटिभ आएको थापाले जानकारी दिए । उक्त युवक अहिले होम क्वारेन्टाइनमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।