१४ बैशाख २०७७ , आइतवार

आज वीरगञ्जका थप दुई जना व्यक्तिमा कोरोना संक्रमण देखियो, संक्रमितको संख्या ५१ पुग्यो

हेल्थ टिभी अनलाइन \काठमाडौं: नेपालमा थप दुई जनामा कोरोना संक्रमण पुष्टि भएको छ ।

आइतबार स्वास्थ्य तथा जनसंख्या मन्त्रालयले प्रेस विज्ञप्ति जारी गर्दै वीरगञ्जका दुई जनामा कोरोना पुष्टि भएको बताएको हो ।

मन्त्रालयका सह प्रवक्ता डा समिरकुमार अधिकारीद्धारा हस्ताक्षरित उक्त विज्ञप्तिमा राष्ट्रिय जनस्वास्थ्य प्रयोगशालामा परीक्षण गरिएका वीरगंजका ५० वर्षीय दुई पुरुषमा कोरोना संक्रमण भएको बताइएको छ । मन्त्रालयले उनीहरु हाल आइसोलेसनमा रहेको पनि जनाएको छ।

योसँगै नेपालमा कोरोना संक्रमितको संख्या ५१ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।