हेल्थ टिभी अनलाइन \डडेल्धुरा: केही दिनयता कोरोना जितेर घर फर्किनेको संख्या बढेको छ । आज सुदूरपश्चिमका चौथो कोरोना संक्रमित महिला पनि कोरोना जितेर घर फर्किएकी छिन्।

कैलालीको लम्की चुहा नगरपालिका -१ कि ५० बर्षीया महिला सेती प्रादेशिक अस्पतालबाट डिस्चार्ज भएकी हुन्। उनको लगातार दुई पटक परीक्षण गर्दा पनि रिपोर्ट नेगेटिभ आएपछि अस्पतालबाट डिस्चार्ज गरिएको सेती प्रादेशिक अस्पतालले जनाएको छ ।

विरगञ्जमा पसल गर्दै आएकी उनी लकडाउन भएपछि कैलाली आएकी थिइन्। कैलाली आएर १२ दिन क्वारेन्टाईनमा बसेकी उनलाई चैत २२ गते कोरोना पुष्टि भएको थियो। योसँगै सुदूरपश्चिम प्रदेशमा चार जना संक्रमित कोरोनालाई जितेर घर फर्किएका छन्। अव सेती अस्पतालको आईसोलेसनमा एक जना संक्रमित महिला मात्र उपचाररत छिन्।

काठमाडौंमा पनि दुई जना संक्रमित निको भएर आजै अस्पतालबाट डिस्चार्ज भएका छन्।