१० बैशाख २०७७ , बुधबार

नेपालमा थप ३ जनामा कोरोना संक्रमण पुष्टि, संक्रमितको संख्या ४५ पुग्यो

हेल्थ टिभी अनलाइन \काठमाडौं: नेपालमा थप तीन जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा विकास देवकोटाले थप तीन जनामा कोरोना संक्रमण देखिएको बताए ।

धरानस्थित स्वास्थ्य विज्ञान प्रतिष्ठानमा परीक्षण गर्दा उनीहरुमा संक्रमण पुष्टि भएको हो । उनीहरुको उमेर २४, ६० र ७२ वर्षको रहेको र तीनै जना पुरुष भएको पनि उनले जानकारी दिए । उनीहरु तीनै जना उदयपुरका स्थानीय बासिन्दा भएको बताइएको छ ।

योसँगै नेपालमा कोरोना संक्रमितको संख्या ४५ पुगेको छ । यी मध्ये ७ जना निको भएर घर फर्केका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।