९ बैशाख २०७७ , मङ्लबार

उदयपुरका थप ८ जनामा कोरोना पोजेटिभ

हेल्थ टिभी अनलाइन\ काठमाडौं: उदयपुरमा थप ८ जनामा कोरोना संक्रमण पुष्टि भएको छ । मंगलबार विहान कोशी अस्पतालको प्रयोगशालामा पीसीआर परीक्षण गर्दा ८ जनामा पोजेटिभ देखिएपछि विपी कोइराला स्वास्थ्य विज्ञान प्रतिष्ठान धरानमा क्रस भेरिफाई गर्न पठाइएको थियो ।

प्रतिष्ठानमा गरिएको परीक्षणमा समेत उनीहरुको कोरोना पोजेटिभ आएको हो । उदयपुरको मस्जिदमा यसअघि १३ जनामा कोरोना देखिएको थियो । आजै दिउँसो पनि टेकुस्थित राष्ट्रिय जनस्वास्थ्य प्रयोगशालामा परीक्ष्ण गर्दा ३३ वर्षीय एक पुरुषमा कोरोना पुष्टि भएको हो । योसँगै नेपालमा कोरोना संक्रमितको संख्या ४० पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।