६ बैशाख २०७७ , शनिबार

नेपालमा थप एक जनामा कोरोना संक्रमण पुष्टि, संक्रमितको संख्या ३१ पुग्यो

हेल्थ टिभी अनलाइन\ काठमाडौं : नेपालमा थप एक जनामा कोरोना भाइरस संक्रमण पुष्टि भएको छ ।

शुक्रबार उदयपुरमा कोरोना संक्रमण पुष्टि भएकासँगै रहेका एक वृद्धमा पनि आज कोरोना पोजेटिभको रिपोर्ट आएको इपिडिमियोलोजी तथा रोग नियन्त्रण महाशाखाका निर्देशक डा वासुदेव पाण्डेले जानकारी दिए ।

उनी ६५ वर्षीय पुरुष भएको पनि उनले जानकारी दिए । संक्रमित व्यक्ति अहिले विराटनगरको क्वारेन्टाइनमा रहेकोले आइसोलेसनमा लैजाने तयारी भएको डा पाण्डेले बताए । योसँगै नेपालमा संक्रमितको संख्या ३१ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।