कोरोनाका कारण मृत्यु हुनेको संख्या १ लाख १९ हजार नाघ्यो, १९ लाख १९ हजार भन्दा बढी संक्रमित
हेल्थ टिभी अनलाइन \काठमाडौं: हालसम्म विश्वभरीमा कोरोना भाइरसका कारण मृत्यु हुनेको संख्या १ लाख १९ हजार ६ सय ६६ रहेको छ । यसैगरी संक्रमितको संख्या १९ लाख १९ हजार बढी रहेको छ ।
चीनबाट शुरु भएको कोरोना संक्रमणका कारण अमेरिकामा धेरै मानिसले ज्यान गुमाएका छन्। अमेरिकामा मात्रै २३ हजार बढी मानिसले ज्यान गुमाएको बताइएको छ । यसैगरी ५ लाख बढी मानिस संक्रमित भएका छन्। यो संख्या बढ्दो छ ।
विश्वभरीमा चार लाख ४५ हजार बढी मानिस उपचारपछि निको भएर घर गएका छन्। कोरोनाका कारण इटालीमा २० हजार ४ सय ६५ जनाको ज्यान गएको छ । यसैगरी एक लाख ५९ हजारभन्दा बढी संक्रमित भएका छन् ।
संक्रमणबाट स्पेनमा १७ हजार ७ सय र फ्रान्समा १४ हजार ९ सयभन्दा बढीको ज्यान गएको छ । बेलायतमा पनि ११ हजार ३ सय २९ जनाको मृत्यु भएको छ । त्यसैगरी जर्मनीमा ३ हजार १ सय ९४, नेदरल्याण्डमा दुई हजार ८ सय र बेल्जियममा ३ हजार ९ सयभन्दा बढीले ज्यान गुमाएका छन् । इरानमा कोरोना संक्रमणबाट ४ हजार ५ सयभन्दा बढीको मृत्यु भएको छ ।
त्यस्तै, भारतमा संक्रमितको संख्या बढेर १० हजार ४ सय ५३ पुगेको छ भने सामबारसम्म ३ सय ५८ जनाले ज्यान गुमाइसकेका छन् ।यसैगरी पाकिस्तानमा संक्रमितको संख्या ५ हजार ४ सय ९६ पुगेको छ भने ९३ जनाले ज्यान गुमाएका छन् । उता बंगलादेशमा ५ जनाको मृत्यु भएको छ भने १ सय ८२ जना नयाँ संक्रमित भेटिएका छन्। बंगलादेशमा सोमबारसम्म मृतकको संख्या ३९ पुगेको छ।
नेपालमा हालसम्म १४ जनामा कोरोना संक्रमण भएको पुष्टि भएको छ ।
मातृ तथा नवजात शिशु मृत्युदर घटाउन मिडवाइफको भूमिका महत्वपूर्ण
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो