बेलायती प्रधानमन्त्री बोरिसले भने, स्वास्थ्यकर्मी नभएको भए मलाई जे पनि हुन सक्थ्यो
हेल्थ टिभी अनलाइन \काठमाडौं: बेलायती प्रधानमन्त्री बोरिस जोनसनले आफनो उपचारमा खटिने स्वास्थ्यकर्मीको खुलेर प्रंशसा गरेका छन्। कोरोना संक्रमित जोनसन आइतबार अस्पतालबाट डिस्चार्ज हुने क्रमममा आफ्नो जीवन बचाइदिएकोमा स्वास्थ्यकर्मीहरूलाई उनले धन्यवाद दिए।
कोरोनाभाइरस संक्रमण देखिएको १० दिनपछि ५५ वर्षीय जोनसनलाई लन्डनस्थित सेन्ट टमसेज अस्पतालमा भर्ना गरिएको थियो। बिहीवार वार्डमा सारिनुअघि उनले अस्पतालको सघन उपचार कक्षमा तीन रात बिताएका थिए ।
सामाजिक सञ्जाल ट्विटरमा राखेको भिडिओ सन्देशमा जोनसनले अस्पतालमा अग्रपंतिमा खटिएका स्वास्थ्यकर्मीहरूको आफूले ठुलो साहस देखेको बताएका छन्।
प्रधानमन्त्री जोनसनका अनुसार अस्पताल बसाइका क्रममा स्वास्थ्यकर्मीहरूले दिनरात खटिएर हेरचाह गरेको भन्दै उनीहरु धन्यवादका पात्र भएको बताए ।
राष्ट्रिय स्वास्थ्य सेवाका कर्मचारीहरूले आफ्नो ज्यान जोखिममा पार्दै काम गरिरहेको प्रधानमन्त्रीको भनाइ थियो।
स्वास्थ्यकर्मीको त्यो साहस, त्यो समर्पण, त्यो जिम्मेवारी र मायालाई धन्यवाद जसका कारण हाम्रो राष्ट्रिय स्वास्थ्य सेवा अजेय छ, प्रधानमन्त्री जोनसनले भने।
प्रधानमन्त्रीको कार्यालय डाउनिङ स्ट्रीटले जोनसन अब निवासमा आराम गर्ने जनाएको छ।
बीबीसी:
मातृ तथा नवजात शिशु मृत्युदर घटाउन मिडवाइफको भूमिका महत्वपूर्ण
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो