२८ चैत्र २०७६ , शुक्रबार

ढुक्क भएर काम गर्न स्वास्थ्यकर्मीलाई राज्यमन्त्रीको निर्देशन

हेल्थ टिभी अनलाइन\जाजरकोट : काठमाडौं स्वास्थ्य राज्यमन्त्री नवराज रावतले कोरोनाविरुद्ध ढुक्क भएर काम गर्न स्वास्थ्यकर्मीलाई निर्देशन दिएका छन्।

शुक्रवार सुर्खेत र जाजरकोटको स्वास्थ्य सेवा कार्यालयको निरीक्षण तथा कोरोना रोकथामका लागि भएका काम कारवाही निरीक्षण गर्दै उनले उच्च मनोबलका साथ काम गर्न आग्रह गरेका हुन्।

‘स्वास्थ्यकर्मी, पत्रकार, सुरक्षाकर्मी र जनप्रतिनिधि अग्रमोर्चामा काम गर्नुपर्ने भएकाले यो संकटको घडीमा जोगिन र जोगाउन संवेदनशील बन्नुपर्छ’, उनले भने।

राज्यमन्त्री रावतले जिल्लामा निर्माण भएका क्वारेन्टाइन, आइसोलेसनको निरीक्षण, भ्रमण गरी थप सामग्री केही दिनमा पठाउनेसमेत आश्वासन दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।