२७ चैत्र २०७६ , बिहिबार

कोरोना आशंकामा कैलाली र कञ्चनपुरबाट संकलन गरिएका ६६ वटा नमुना परीक्षण नेगेटिभ

हेल्थ टिभी अनलाइन \काठमाडौं : कोरोना आशंकामा कैलाली र कञ्चनपुरबाट संकलन गरिएको ६६ वटा नमुना परीक्षण गर्दा रिपोर्ट नेगेटिभ आएको स्वास्थ्य मन्त्रालयले जनाएको छ। धनगढीमा विदेशबाट आएका व्यक्तिबाट स्थानीयमा संक्रमण देखिएपछि सरकारले संक्रमितको सम्पर्कमा आएका व्यक्तिलाई क्वारेन्टाइनमा राखेको छ ।

उनीहरु मध्ये ६६ जनाको आज रिपोर्ट आएको र सबैको रिपोर्ट नेगेटिभ भएको स्वास्थ्य मन्त्रालयका प्रवत्ता डा विकास देवकोटाले जानकारी दिए ।

उनले भने, ‘टेकुस्थित राष्ट्रिय जनस्वास्थ्य प्रयोगशालामा ६६ वटा नमुनाको परीक्षण गर्दा सबैको रिपोर्ट नेगेटिभ आयो यो खुशीको कुरा हो ।’

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।