२६ चैत्र २०७६ , बुधबार

कोरोना आशंकामा हालसम्म २ हजार ३ सय ६६ जनाको नमुना परीक्षण, १ सय ३४ जना आइसोलेसनमा

हेल्थ टिभी अनलाइन \काठमाडौं: सरकारले कोरोना आशंकामा हालसम्म २ हजार ३ सय ६६ जनाको नमुना परीक्षण गरेको छ । स्वास्थ्य तथा जनसंख्या मन्त्रालयले गर्दै आएको नियमित पत्रकार सम्मेलनमा मन्त्रालयका प्रवत्ता डा विकास देवकोटाले उक्त कुरा बताएका हुन्।

डा देवकोटाले २४ घण्टामा कुनै पनि संक्रमण फेला नपरेको पनि जानकारी गराए । उनले आजै टेकुस्थित प्रयोगशालामा मात्र १ सय ८० जनाको नमुना परीक्षण भइरहेको र साँझ वा भोलिसम्म रिपोर्ट आउने जानकारी दिए ।

उनले सरकारले कोरोना भाइरसको नमुना परीक्षण फराकिलो बनाउँदै सबै प्रदेशमा पुर्याएको जानकारी दिए । नेपालमा हालसम्म ९ जनामा मात्र कोरोना संक्रमण देखिएको छ । त्यसमध्ये पहिलो संक्रमित उपचारपछि निको भएर घर फर्किसकेका छन्। आठ जना भने आइसोलेसनमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।