२४ चैत्र २०७६ , सोमवार

कोरोना उपचारमा खटिने निजी अस्पतालका चिकित्सकलाई पनि सरकारी सरह सुविधा

हेल्थ टिभी अनलाइन \काठमाडौं: सरकारले कोरोना उपचारमा खटिने निजी अस्पतालका चिकित्सकलाई पनि सरकारी चिकित्सक सरहकै सेवा सुविधा दिने निर्णय गरेको छ।

सोमबार बसेको मन्त्रिपरिषद्को बैठकले निजी अस्पतालमा कार्यरत चिकित्सक सरकारी अस्पतालमा आएर काम गर्न चाहेमा पनि तह मिलाएर सोही बमोजिम सुविधा र भत्ता दिने निर्णय समेत गरेको छ । मन्त्रीपरिषद बैठकको निर्णय सुनाउँदै सरकारका प्रवक्ता डा युवराज खतिवडाले निजी अस्पतालका चिकित्सक र सरकारी चिकित्सक मिलेर कोरोना विरुद्ध लड्नपर्ने भन्दै यो उपचारमा खटिने सबैको सेवा सुविधा एकै हुने बताएका हुन्।

सरकारी अस्पतालमा कोरोना रोगको उपचारमा खटिने कर्मचारीको तलबसुविधा र भत्ता बढाउने निर्णय भने यसअघि नै गरिएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।