२३ चैत्र २०७६ , आइतवार

कोरोना सतर्कता: एक प्रदेशबाट अर्को प्रदेश, एक जिल्लाबाट अर्को जिल्ला समेत जान नपाइने

हेल्थ टिभी अनलाइन \काठमाडौं : कोरोना भाइरस ‘लोकल ट्रान्समिसन’ भएको पुष्टि भएसँगै सरकारले लकडाउनमा थप कडाइ गर्ने निर्णय गरेको छ । मन्त्रिपरिषदको शनिबार बसेको बैठकले लकडाउनमा अझ कडाइ गर्दै एक प्रदेशबाट अर्को प्रदेश, एक जिल्लाबाट अर्को जिल्ला र एक स्थानीय तहबाट अर्कोमा जान नदिने निर्णय गरेको हो ।

विश्वभरी महामारीका रुपमा फैलिएको कोरोना रोकथाम तथा नियन्त्रणका लागि सरकारले यही चैत ११ गतेदेखि लकडाउन सुरु गरेको थियो । दुई साताका लागि भएको लकडाउनको आज १३औं दिन हो । कोरोना भाइरस समूदायमा फैलिन नदिन सबैभन्दा प्रभावकारी उपाय भनेकै घरभित्र रहनु भएकाले लकडाउनलाई अझ कडा बनाइएको बताइएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।