१९ चैत्र २०७६ , बुधबार

दिल्लीमा २४ घण्टामा थपिए २३ नयाँ संक्रमित

हेल्थ टिभी अनलाइन \काठमाडौं: भारतको राजधानी नयाँ दिल्लीमा गत २४ घण्टामा २३ जना नयाँ कोरोना संक्रमित फेला परेका छन्। योसँगै दिल्लीमा मात्रै कोरोना संक्रमितको संख्या १ सय २० पुगेको छ ।

भारतभर कोरोना संक्रमितको संख्या मंगलबारसम्म १ हजार ६ सय ५१ पुगेको भारतको स्वास्थ्य मन्त्रालयले जनाएको छ । कोरोना भाइरसका कारण ४८ जनाको मृत्यु भइसकेको छ ।

कोरोना संक्रमित भएर उपचार पछि निको भएर घर जानेको संख्या १ सय ५३ रहेको छ । भारत सरकारले कोरोना रोकथाम तथा नियन्त्रण गर्नका लागि तीन साताका लागि लकडाउन गरेको छ । लकडाउनका कारण सवारीसाधन, कलकारखाना, विद्यालय, व्यापार व्यवसाय ठप्प छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।