१६ चैत्र २०७६ , आइतवार

कोरोना भाइरस : पाकिस्तानमा एक हजार ५०० संक्रमित

पाकिस्तानमा कोरोना भाइरस संक्रमितको संख्या एक हजार ५०० पुगेको छ।

अधिकारीहरूले दिएको शनिवारसम्मको तथ्यांकअनुसार कोरोना भाइरसका कारण मृत्यु हुनेको संख्या १२ पुगेको छ।

एउटै देशमा संक्रमित हुने र मृत्यु हुनेको यो संख्या दक्षिण एसियामै सबैभन्दा धेरै भएको अन्तर्राष्ट्रिय संगठनहरूले बताएका छन्।

पाकिस्तानको पञ्जाबमा सबैभन्दा धेरै संक्रमित भेटिएका छन्। पञ्जाबमा अहिलेसम्म ४६९ जना व्यक्तिलाई कोरोना भाइरसको संक्रमण भएको पुष्टि गरिएको छ।

मृत्यु हुनेको संख्या भने सिन्ध प्रान्तमा सबैभन्दा धेरै रहेको अधिकारीले बताएका छन्। पकिस्तानमा कोरोना भाइरसको संक्रमणको पुष्टि फेब्रुवरी २६ मा भएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।