१६ चैत्र २०७६ , आइतवार

क्वारेन्टाइनमा बस्न नमाने संक्रामक रोग ऐन अनुसार कैद सजाय हुने

हेल्थ टिभी अनलाइन\ काठमाडौं: सरकारले क्वारेन्टाइनमा बस्न नमान्ने र अटेरी गर्नेलाई सजाय गर्ने भएको छ ।

आइतबार बसेको कोरोना रोकथाम तथा नियन्त्रणका लागि बनेको उच्चस्तरीय समितिको बैठकले उक्त निर्णय गरेको हो । पछिल्लो समय विदेशबाट आएका व्यक्तिहरु क्वारेन्टाइनमा बस्न नमान्ने र आफूखुशी हिंडेकाले यस्तो निर्णय लिएको बताइएको छ । रोग फैलाउन सक्ने वा फैलाएको कसुरमा उनीहरुलाई सजाय हुनेछ ।

यदि कसैले क्वारेन्टाइनमा बस्न मानेन भने उसलाई संक्रामक रोग ऐन अनुसार कैद सजाय हुने समितिले निर्णय गरेको हो । यसको निगरानी गर्ने र सजायको कुरा गृह मन्त्रालयले हेर्नेछ । सरकारले कोरोना प्रभावित देशबाट आउने सबैलाई १४ दिन क्वारेन्टाइनमा बस्न निर्देशन दिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।