नेपालमा पाँचौं व्यक्तिमा कोरोना संक्रमण
हेल्थ टिभी अनलाइन\ काठमाडौं: नेपालमा पाँचौ व्यक्तिमा पनि कोरोना संक्रमण देखिएको छ ।
बेल्जियमबाट कतार हुँदै चैत ४ गते नेपाल आएकी बागलुङकी एक युवतीमा कोरोना भाइरस संक्रमण पुष्टि भएको स्वास्थ्य मन्त्रालयले जनाएको हो । स्वास्थ्य मन्त्रालयका प्रवक्ता डा विकास देवकोटाले पाँचौ व्यक्तिमा कोरोना पोजेटिभको पुष्टि गरे ।
यसअघि हिजो मात्र धनगढीका एक युवकमा कोरोनो संक्रमण पुष्टि भएको थियो । उनी अहिले सेती प्रादेशिक अस्पताल धनगढीमा उपचाररत छन्। यसअघिका कतारबाट आएकी युवती र दुबईबाट आएका धादिङका युवक टेकु अस्पतालमा उपचाररत छन्। दुई महिना अघि कोरोना पोजेटिभ देखिएका पहिलो संक्रमित भने निको भएर घर गइसकेका छन्।
आज कोरोना देखिएकी युवती सहित नेपालमा संक्रमितको संख्या ५ पुगेको छ ।
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?
मधुमेहका बिरामीले दशैँमा कसरी मिलाउने खानपान ?