हेल्थ टिभी अनलाइन \काठमाडौं:  नेपालमा चौंथो व्यक्तिमा पनि कोरोना संक्रमण भेटिएको छ ।

प्रादेशिक अस्पताल धनगढीमा उपचाररत एक पुरुषमा कोरोना पोजेटिभ देखिएको स्वास्थ्य मन्त्रालयका प्रवक्ता विकास देवकोटाले जानकारी दिएका छन् ।

३४ वर्षका उनी हालसालै दुबईबाट आएको बताइएको छ । यसअघि पहिलो कोरोना संक्रमित चीनबाट आएका थिए ।उनी यतिखेर उपचारपछि निको भइसकेका छन्। दोस्रो संक्रमण फ्रान्सबाट कतार हुँदै आएकी १९ वर्षीय युवतीमा देखिएको थियो । तेस्रो बिरामी दुबईबाट आएका थिए । पछिल्ला दुई जना अहिले पनि टेकु अस्पतालको आइसोलेसनमा उपचारमा छन्।