१३ चैत्र २०७६ , बिहिबार

कोरोना सतर्कता: बैतडीका मन्दिरमा पशुबली निषेध गर्ने निर्णय

हेल्थ टिभी अनलाइन \बैतडी: कोराना भाइरसको रोकथाम तथा नियन्त्रणका लागि बैतडीमा जिल्ला विपद व्यवस्थापनको बैठकले लकडाउनलाई पूर्ण रुपमा पालना गर्ने विषयमा छलफल गरेको छ ।

बिहिबार बसेको बैठकले कोरोना नियन्त्रणका लागि मठमन्दिरमा भिडभाड नगर्नेदेखि पशु बली चढाउन समेत निषेध गर्ने विषयमा छलफल भएको पञ्चेश्वर गाउँपालिकाका अध्यक्ष गोरख बहादुर चन्दले बताए । उनले भने, ‘यहाँ चैते दशैंका बेला बली चढाउने चलन भएकाले टाढाटाढाबाट बलीका लागि पशु ल्याइएको छ । त्यसलाई निषेध गर्ने विषयमा छलफल भएको र सुरक्षा निकायले त्यसलाई लागू गर्ने बताएको छ ।’

यो सँगे बैतडीका प्रमुख जिल्ला अधिकारी संयोजक रहेको उक्त बैठकले भारतसँग जोडिएका ९ वटा नाकाहरुमा अझै कडाई गर्ने निर्णय गरेको उनले जानकारी दिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।