१० चैत्र २०७६ , सोमवार

सिभिल होम्समा कोरोना रोकथाम र नियन्त्रणका लागि ‘र्‍यापिड रेस्पोन्स टिम’

हेल्थ टिभी अनलाइन\ललितपुर : सुनाकोठीस्थित सिभिल होम्सले कोरोना रोकथाम र नियन्त्रणका लागि ‘र्‍यापिड रेस्पोन्स टिम’ गठन गरेको छ।

आफूहरू रहेको आवास क्षेत्रमा कोरोना संक्रमण फैलिन नदिन पूर्व तयारीका रूपमा सचेतना अपनाउने निर्णयसहित टिम गठन भएको संयोजक डा. गोविन्द गौतमले जानकारी दिए। ‘अहिले सबैले आ–आफनो स्थानबाट जोगिने उपाय आफैँले गर्ने वेला हो’, उनले भने,‘त्यसैले हामीले पनि आवासमा कोरोना फैलिन नदिनका लागि यो टिम बनाएका हौँ।’

बैठकले आवासमा प्रवेश गर्दा अनिवार्य ज्वरो नाप्ने, जिम, पौडी पोखरी बन्द गर्ने निर्णय गरेकाे छ। यस्तै आवास क्षेत्रमा रहेका सबैले साबुनपानीले हात धुन, घरमा पाहुना नबोलाउन, र पाहुना लाग्न नजान,आवासमा भिडभाड नगर्न, अत्यावश्यक बाहेक सार्वजनिक कार्यक्रममा नजान सचेत गाराइएकाे उनले जानकारी दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।