७ चैत्र २०७६ , शुक्रबार

कोरोना भाइरससँग जुध्न नेपाल र चीनबीच आज भिडियो कन्फरेन्स

हेल्थ टिभी अनलाइन\काठमाडौं : कोरोना भाइरससँग जुध्न र राेकथाम अनुभव आदान प्रदानका लागि नेपाल र चीनबीच शुक्रबार दिउँसो भिडियो कन्फरेन्स (वार्ता) हुँदैछ।

प्रधानमन्त्री कार्यालय सिंहदरवारबाट दिउँसो ३ बजे हुने भिडियो कन्फरेन्समा नेपालसहित दक्षिण एसियाली अन्य देश सहभागी हुने परराष्ट्र मन्त्री प्रदीप ज्ञवालीले जानकारी दिए। भिडियो संवादमा स्वास्थ्य र परराष्ट्र मन्त्रालयका अधिकारीहरू पनि हुनेछन्। कन्फरेन्समा काेराेना भाइरस राेकथा र उपचारका लागि नेपालले सहयोग लिने सहयाेगको विषयमा पनि छलफल हुनेछ।

कोरोना भाइरस रोकथाम र नियन्त्रणका लागि आवश्यक मेडिकल सहयोग माग गर्दै नेपालले चीनलाई पत्राचार गरिसकेको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।