दक्षिण कोरियामा ६० विदेशीलाई कोरोना, नेपाली सुरक्षित
दक्षिण कोरियामा कोरोना भाइरस संक्रमित विदेशीको संख्या ६० नाघेको छ। कोरिया सरकारले सार्वजनिक गरेको तथ्यांकअनुसार कोरियामा बस्ने चिनियाँ सबैभन्दा धेरै संक्रमित छन्। ३८० चिनियाँलाई संक्रमण भएको छ।
द क्षिण काेरियामा रहेका सात अमेरिकीलाई संक्रमण भएकाे छ। त्यस्तै भियतनामी, मंगाेलियाली, अष्ट्रेलियाली र अर्जेन्टिनी दुईदुई जना संक्रमित छन्। थाइल्याण्डका दुई नागरिकलाई पनि संक्रमण भएकाे छ। यसैगरी जापानी, इण्डोनेसियाली, मलेसियाली, उज्वेकिस्तानी र पोल्याण्डका एक एकजना संक्रमित रहेको तथ्यांक दक्षिण कोरियाली सरकारले सार्वजनिक गरेको छ।
हालसम्म कोरियामा रहेका कुनै पनि नेपालीलाई कोभिड–१९ को संक्रमण नभएको दक्षिण कोरियास्थित नेपाली राजदूतावासका श्रमसहचारी डिल्लीराम बाँस्तोलाले जानकारी दिए।
कोरियामा कोरोना संक्रमणबाट ७५ जनाको ज्यान गइसकेको छ भने आठ हजार १६२ संक्रमित छन्।
रासस
मातृ तथा नवजात शिशु मृत्युदर घटाउन मिडवाइफको भूमिका महत्वपूर्ण
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो