३० फाल्गुन २०७६ , शुक्रबार

क्यानडाका प्रधानमन्त्रीकी पत्नीलाई कोरोना

क्यानडाका प्रधानमन्त्री जस्टिन ट्रुडोकी पत्नी सोफीमा पनि कोरोना भाइरसको संक्रमण देखिएको छ।

बिहीबार ब्रिटेनबाट एक कार्यक्रममा सहभागी भएर फर्केकी सोफीलाई ज्वरो आउनेलगायत समस्या देखिएपछि उपचार गरिएको थियो।

नमुना परीक्षण गरेपछि डाक्टरले उनलाई कोरोना संक्रमण भएको पुष्टि गरेको अन्तर्राष्ट्रिय सञ्चारमाध्यले जनाएका छन्। पत्नीलाई कोरोना भएपछि प्रधानमन्त्री ट्रूडो ले आफू १४ दिनसम्म घरमै क्वारेन्टाइनमा रहेर काम गर्ने बताएका छन्।

क्यानडामा कोरोना भाइरसका कारण अहिलेसम्म एक जनाको मृत्यु भएको छ। हालसम्म १४२ जनामा कोरोनाको संक्रमण भएको पुष्टि भएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।