२२ फाल्गुन २०७६ , बिहिबार

मध्यपुर थिमीमा ‘आइसोलेसन वार्ड’

हेल्थ टिभी अनलाइन\भक्तपुर : थिमीस्थित नेपाल–कोरिया मैत्री नगरपालिका अस्पतालले ‘आइसोलेसन वार्ड’ निर्माण शुरु गरेको छ।

भक्तपुरमा सरकारी र निजी गरी नौवटा अस्पताल रहे पनि पहिलो पटक नगरपालिकाको नेतृत्वमा सञ्चालित यो अस्पतालले आइसोलेसन वार्ड निर्माण गर्न लागेको हो।

मध्यपुर थिमी नगरपालिकाको नेतृत्वमा सिद्धिकाली क्षेत्रमा सञ्चालनमा रहेको उक्त अस्पतालमा बिहीबार आइसोलेसन वार्ड निर्माण शुरु गरेको नगरपालिकाका प्रमुख मदनसुन्दर श्रेष्ठले जानकारी दिए।

एक साताभित्र आइसोलेसन वार्ड निर्माण सम्पन्न गरेर तयारी अवस्थामा राखिने उनको भनाइ छ। नगरपालिकाले अस्पतालमा औषधि अभाव नहुने गरी व्यवस्थापन गरेको श्रेष्ठले बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।