क्वारेन्टाइनमा रहेका सबैको दोस्रो चरणको कोरोना परीक्षण आज हुँदै
हेल्थ टिभी अनलाइन\ काठमाडौं: चीनबाट ल्याएर खरिपाटीस्थित क्वारेन्टाइमा राखिएका विद्याथीहरुको दोस्रो चरणको कोरोना जाँच आज हुने भएको छ ।
सरकारले कोरोना अति प्रभावित चीनको वुहानबाट १७५ जना विद्यार्थीलाई गत फागुण ४ गते उद्धार गरी ल्याएको थियो । ल्याउने दिन अर्थात चौध दिन अघि उनीहरुको पहिलो चरणको जाँच गर्दा सबै जनामा नेगेटिभ आएको थियो ।
कोरोना भाइरसको लक्षण १४ दिन सम्म देखिने कारणले उनीहरुलाई क्वारेन्टाइनमै राखिएको बताउँछन स्वास्थ्य मन्त्रालयका सह प्रवत्ता सागर दाहाल। आज सबै जनाको घाँटीको स्वाब परीक्षण गरिने र त्यसको रिपोर्ट आएपछि मात्र उनीहरु घर जान पाउने उनको भनाई छ ।
परीक्षणको रिपोर्ट आउन कम्तीमा दुई दिन लाग्ने बताइएको छ । सबै जनाको रिपोर्ट नेगेटिभ आएमा उनीहरु सोमबार सम्म घर जान पाउने छन्। यो सँगै नगरकोटमा क्वारेन्टाइनमा राखिएका पाइलट लगायतका क्रु मेम्बरलाई पनि सोही नियम लागु हुने बताउँछन दाहाल। उनीहरुलाई चीनबाट नेपाल ल्याइएको भए पनि क्वारेन्टाइनमा रहेकाले परिवार भेट्न भने पाएका छैनन।
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?
मधुमेहका बिरामीले दशैँमा कसरी मिलाउने खानपान ?