इरानमा कोरोना संक्रमण : ३४ जनाको मृत्यु
इरानमा थप आठ व्यक्तिको कोरोना भाइरसको संक्रमणका कारण मृत्यु भएको स्वास्थ्य मन्त्रालयले जनाएको छ। यससँगै इरानमा कोरोना भाइरस संक्रमणका कारण मृत्यु हुनेको संख्या शुक्रबार ३४ पुगेको छ।
कोरोना भाइरस संक्रमणका कारण मृत्यु भएका व्यक्तिको आधारमा चीनपछि इरानमा यसको नराम्रो प्रभाव परेको देखिएको छ। इरानको सरकारी तथ्यांकलाई आधार मान्दा संक्रमितको संख्या भने ३८८ पुगेको छ।
इरानी अधिकारीका अनुसार इरानमा विगत २४ घण्टामा १४३ जनामा संक्रमण पुष्टि भएको स्वास्थ्य मन्त्रालयका प्रवक्ता कियानुस जहानपुरले बताएका छन्।
खेलाडीको मृत्यु
यसैबीच इरानकी एक महिला खेलाडीको कोरोना भाइरस संक्रमणका कारण मृत्यु भएको बताइएको छ। इरानी महिला राष्ट्रिय फुटसल टोलीकी खेलाडी २३ वर्षीया एलहाम शेखीको मृत्यु भएको बताइएको हो।
उनलाई १० दिन अघि अस्पतालमा भर्ना गरिएकोमा बुधवार मृत्यु भएको सरकारी समाचार एजेन्सी रोकनाले उल्लेख गरेको छ।
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा
कान्ति बाल अस्पतालले माग्यो ठूलो संख्यामा चिकित्सक तथा नर्स
जुनसुकै पालिकाको भए पनि अशक्त र गरिब नागरिकलाई काठमाडौं महानगरले नि:शुल्क उपचार दिने
डा सन्दीपलाई प्रश्न : घुँडा किन दुख्छ, कसरी बच्ने ?
आजदेखि सात जिल्लामा हात्तिपाइले विरुद्धको औषधि खुवाइँदै