१६ फाल्गुन २०७६ , शुक्रबार

तीन जना डाक्टर एघारौँ तहमा बढुवाका लागि सिफारिस

हेल्थ टिभी अनलाइन\ काठमाडौं: स्वास्थ्य तथा जनसंख्या मन्त्रालयले तीन जना डाक्टरलाई एघारौँ तहमा बढुवाका लागि सिफारिस गरेको छ। मन्त्रालयको बढुवा समितिले डा. पिताम्बर सुवेदी, डा. राम पुकार शाह र डा.अभय पोखरेललाई बढुवाका लागि सिफारिस गरेको हो।

डा. सुवेदीलाई पेडियाट्रिक्स समूहबाट प्रमुख कन्सल्ट्यान्ट पेडियाट्रिसियन, डा. शाह र डा. पोखरेललाई एनेस्थेसियोलोजी समूहबाट प्रमुख कन्सलटेन्ट एनेस्थेसियोलोजिस्ट पदमा बढुवाका लागि सिफारिस गरिएको बढुवा समितिले जनाएको छ।

समितिको सचिवालयले जारी गरेको सूचनामा बढुवा समितिको गत १४ फागुनमा बसेको बैठकले उनीहरुलाई सिफारिस गर्ने निर्णय गरेको उल्लेख छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।