इटालीमा कोरोना संक्रमणले चार जनाको मृत्यु
इटालीमा नयाँ कोरोना भाइरसको संक्रमणबाट सोमबारसम्ममा चार जनाको मृत्यु भएको छ। उत्तरी लोम्बार्डी क्षेत्रमा पछिल्लोपटक एक जना ८४ वर्षका वृद्धको कोरोनाकै संक्रमणबाट मृत्यु भएको हो।
इटालीको लोम्बार्डीमै यसअघि अरु तीन जनाको कोरोना संक्रमणबाट ज्यान गएको थियो । यहाँ इटाली सरकारले पूरै गाउँ बस्तीलाई अलग्याएको छ भने सुरक्षा व्यवस्था कडा बनाएको छ।
इटालीको नागरिक सुरक्षा विभागका प्रमुख एन्जेलो बोरेल्लीले मुलुकभर आइतबारसम्ममा १५० जनाभन्दा बढीलाई कोरोना संक्रमण देखिएको जानकारी दिए। युरोपमै इटालीमा सबैभन्दा बढी कोरोना संक्रमित देखिएका छन्।
लोम्बार्डीका १० वटा तथा छिमेकी भेनिटो गाउँ शहरलाई अन्य क्षेत्रबाट अलग्याइएको छ र झण्डै ५० हजार मानिसलाई अन्यत्र जान दिइएको छैन। स्थानीय अधिकारीहरूले बार, रेस्टुराँ र डिस्को बन्द गर्न आदेश दिएका छन् ।
कोरोनाकै कारण मिलान फेसन सप्ताह, भेनिस कार्निभल र सिरि ए फुटबल खेल स्थगन गरिएका छन्। मिलानको निकै लोकप्रिय ला स्कालामा सञ्चालित ओपेरा रद्द गरिएका छन्।
इटालीमा सबैभन्दा बढी कोरोना सङ्क्रमितहरु लोम्बार्डीमा भेटिएका छन्। अधिकारीहरूले पहिलो कोरोना संक्रमित ३८ वर्षीय व्यक्तिमाथि कडा निगरानी गरिएको बताएका छन्।
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा
कान्ति बाल अस्पतालले माग्यो ठूलो संख्यामा चिकित्सक तथा नर्स
जुनसुकै पालिकाको भए पनि अशक्त र गरिब नागरिकलाई काठमाडौं महानगरले नि:शुल्क उपचार दिने