कोरोना भाइरस संक्रमण : अस्पतालका निर्देशकको मृत्यु
कोरोना जीवाणुको महामारीको केन्द्रका रूपमा रहेको वुहानस्थित एक अस्पतालका निर्देशकको मृत्यु भएको छ।
चिनियाँ सरकारी टेलिभिजन सीसीटीभीले वुहानस्थित उचाङ अस्पतालका निर्देशक लिउ झिमिङको मृत्यु भएको जनाएको हो। उनलाई बचाउन भरमग्दूर प्रयास गरिए पनि नसकिएको अस्पतालले बताएको छ।
गत वर्षको अन्त्यतिर वुहानमा पहिलोपटक देखिएको कोविड–१९ जीवाणुका कारण चीनमा मात्र एक हजार ९०० को मृत्यु भइसकेको छ भने ७२ हजारभन्दा बढी मानिस संक्रमित भएका छन्।
उनी कोरोना जीवाणुका कारण मृत्यु हुने पहिलो उच्च पदाधिकारी एवं चिकित्सक हुन्। यही प्राणघातक जीवाणुका कारण वुहानमा यसअघि नै कम्तीमा छ जना स्वास्थ्यकर्मीको ज्यान गइसकेको छ।
यसअघि कोरोना जीवाणुका बारेमा पहिलो जानकारी दिने उहानकै नेत्ररोग विशेषज्ञ डा. ली वेन लियाङको मृत्यु भएको थियो। वुहानका चिकित्सकहरूले मास्क र शरीरमा लगाउने विशेष सुरक्षा कपडाको अभाव झेलिरहेको बताइन्छ।
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा
कान्ति बाल अस्पतालले माग्यो ठूलो संख्यामा चिकित्सक तथा नर्स