२९ माघ २०७६ , बुधबार

काेराेना भाइरस : मृत्यु हुनेको संख्या ११ सय नाघ्यो, संक्रमण दर घटेको चीनको दाबी

चीनमा कोरोना भाइरस संक्रमणबाट मृत्यु हुनेको संख्या ११ सय नाघेको छ।

हुवेई प्रान्तमा मंगलवार ९४ जनाको मृत्यु भएसँगै कोरोना भाइरसबाट मृत्यु हुनेको संख्या एक हजार १०७ पुगेको अन्तर्राष्ट्रिय सञ्चारमाध्यमले जनाएका छन्।

यसमध्ये एक हजार १०५ जनाको चीनमै मृत्यु भएको हो। चीनबाहिर भने २ जनाले ज्यान गुमाएका छन । हुवेई प्रान्तमा पछिल्लो २४ घण्टामा कोरोनाको एक हजार ६ सय ३८ संक्रमित फेला परेका छन्।

योसँगै कोरोनाबाट संक्रमित हुनेको संख्या ४४ हजार ६ सय ३८ पुगेको छ। ज्यान गुमाउनेको संख्या बढे पनि संक्रमण दर भने २० प्रतिशतले घटेको चीनको दाबी छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।