२६ माघ २०७६ , आइतवार

त्रिवि शिक्षण अस्पतालमा चौथोपटक कलेजोको सफल प्रत्यारोपण

काठमाडौं : त्रिवि शिक्षण अस्पतालले चौथोपटक कलेजोको सफल प्रत्यारोपण गरेको छ। बौद्धका ५७ वर्षीय एक व्यक्तिलाई उनकी २७ वर्षीया छोरीले दिएको कलेजो प्रत्यारोपण गरिएको हाे।

कलेजो प्यांक्रियाज तथा ग्यास्ट्रो इन्टेस्टटाइनल सर्जन डा. रमेशसिंह भण्डारीका अनुसार शनिवार नौ घण्टा लगाएर कलेजो प्रत्यारोपण गरिएको हो। अहिले बाबुछोरीकै स्वास्थ्य अवस्था स्थिर छ।

भण्डारी नेतृत्वकै टाेलीले गत जेठ १८ गते पहिलोपटक कलेजो प्रत्यारोपण गरेको थियो। यस्तै दाेस्राेपटक साउन ३ गते र तेस्राेपटक कात्तिक १ गते कलेजो प्रत्यारोपण गरिएको थियो ।

यसअघि भक्तपुरस्थित मानव अंग प्रत्यारोपण केन्द्रमा कलेजोको सफल प्रत्यारोपण भए पनि त्यसले निरन्तरता पाउन सकेको छैन।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।