‘कोरोना भाइरस नियन्त्रण गर्न चीनले चालेकाे कदम प्रशंसनीय’
अमेरिकी राष्ट्रपति डोनाल्ड ट्रम्पले चीनमा प्रकोपका रूपमा देखिएको कोरोना भाइरस नियन्त्रण प्रयासमा चीनले छिटै सफलता पाउनेमा विश्वस्त रहेको बताएका छन्।
चिनियाँ राष्ट्रपति सी जिन पिङसँगको टेलिफोन वार्तामा अमेरिकी राष्ट्रपति ट्रम्पले कोरोना भाइरस नियन्त्रणका लागि चीनले अपनाएकाे उपायबाट छिट्टै भाइरस संक्रमण नियन्त्रणमा सफलता मिल्ने बताएका हुन्।
चीनमा देखिएको कोरोना भाइरस महामारीले विश्वलाई चिन्तित तुल्याएको भन्दै यसको सामना गर्ने चीनको क्षमताप्रति अमेरिकी राष्ट्रपति उनले ‘विश्वास’ व्यक्त गरेको ह्वाइट हाउसले एक विज्ञप्तिमार्फत जानकारी गराएको छ ।
‘फोन वार्तामा दुई नेताबीच आपसी रूपमा सूचनाको बढीभन्दा बढी आदानप्रदान र आवश्यकता अनुसार अन्य बिषयमा पनि समन्वय जारी राख्न सहमत भएका छन्’, विज्ञप्तिमा भनिएको छ । चिनियाँ राज्य सञ्चालित सञ्चारमाध्यमहरूमा दुई नेताबीच टेलिफोन वार्ता भएको सार्वजनिक भएपछि ह्वाइट हाउसले पनि यसबारे जानकारी गराएको हो।
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा