२१ माघ २०७६ , मङ्लबार

उपल्लो डोल्पामा झाडापखाला, उपचारमा आम्चीको भर

डोल्पा : उपल्लो डोल्पामा झाडापखालाको समस्या देखिएको छ। डोल्पोबुद्ध गाउँपालिका–४ ताक्सी र धोगाउँमा झाडापखालको समस्या देखा परेको हो। आम्चीको भरमा उपचार हुँदै आइएको जनाइएको छ।

दैनिक ५० भन्दा बढी स्थानीयवासी बिरामी हुने गरेका डोल्पोबुद्ध गाउँपालिका वडा नं. ३ का वडा सदस्य लाप्कातेण्डुप लामाले जानकारी दिए। उनले स्वास्थ्यकर्मी पठाउन र उपचारको पहल गर्न आग्रह गरे।

गत मंसिर महिनामै औषधिको माग गरे पनि अहिलेसम्म नपाएको यहाँका स्थानीय तहले बताएका छन्। दैनिक भाडापखालाका बिरामीको संख्या बढ्दै गएको र औषधि नहुँदा थप समस्या हुँदै गएको बताइएको छ। हिउँले ढाकेको यहाँका बस्तीका बिरामीको उपचार गर्न समस्या भएको छ।

चिसोका कारण आर्थिक अवस्था कमजोर भएका र वृद्धवृद्धा मात्र उपल्लो डोल्पामा बस्छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।