१३ माघ २०७६ , सोमवार

स्वास्थ्य चौकीमा छैन शौचालय, खानेपानी पनि अभाव

महोत्तरी : रामगोपालपुर नगरपालिका–७ सहसौलामा रहेको स्वास्थ्य चौकीमा लामो समयदेखि शौचालय छैन। स्वास्थ्यचौकीमा खानेपानीसमेत अभाव छ।

शौचालय र खानेपानी नहुँदा कर्मचारी तथा उपचारका लागि आउने बिरामीलाई समस्या भएको स्वास्थ्य चौकीका प्रमुख अहेब लक्ष्मण महतोले बताए।

स्वास्थ्य चौकीमा तीन पुरुष र एक महिला कर्मचारी कार्यरत छन्। पुरुष शौचका लागि वरपर खुला स्थानमा जाने र महिला कर्मचारीलाई अरूको घरको सहारा लिनुपर्ने बाध्यता रहेको उनले बताए।

समस्याबारे पटकपटक रामगोपालपुर नगरपालिकाका प्रमुख अशोक मण्डल र वडाध्यक्ष शम्भु साहलाई आग्रह गर्दा पनि कुनै सुनुवाइ नभएको महताेकाे गुनासो छ।

नगरप्रमुख मण्डलले भने बजेट अभावका कारण स्वास्थ्य चौकीमा तत्काल शौचालय र खानेपानीको व्यवस्था गर्न नसक्ने बताए। तर समस्या चाँडै समाधान गर्ने उनकाे भनाइ छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।