दक्षिण प्रशान्त क्षेत्रमा अवस्थित समोआमा दादुराको प्रकोप नियन्त्रणमा आएको छैन।

करिब दुई लाखमात्र जनसंख्या रहेको यो सानो मुलुकमा केही  महिनाअघिदेखि दादुराको प्रकोप बढेको र यसबाट धेरै नागरिक प्रभावित भएको बताइएको छ।

याे देशमा अहिलेसम्म कम्तीमा पनि पाँच हजार ८०० दादुराका बिरामीले विभिन्न अस्पतालमा उपचार गराएका स्वास्थ्य अधिकारीले जानकारी दिएका छन्।

दादुराकै कारण यहाँ ८२ जनाको मृत्यु भइसकेको सरकारी अधिकारीले जानकारी दिएका छन्। अझै एक हजार भन्दा बढी उपचार गराइरहेका छन्।

पछिल्ला केही दिनयता दादुराका कारण मृत्यु हुनेको संख्या बढ्दो रहेको समाचारहरु आएका ती अधिकारीको भनाइ छ।

समोआली सरकारले गत अक्टोबर १६ मा दादुराको प्रकोप देखिएको सार्वजनिक जानकारी गराउदै नागरिकलाई विशेष सावधानी अपनाउन आग्रह गरेको थियो।

सरकारले यहाँका ९० प्रतिशत नागरिकलाई दादुराविरूद्धको खोप लगाइरहेका छन्।