२७ पुस २०७६ , आइतवार

महाेत्तरीका तीन औषधि पसलमा सिल

महोत्तरी : औषधि व्यवस्था विभागले जिल्लाकाे गौशालास्थित तीनवटा औषधि पसल सिलबन्दी गरेको छ। विभागले शनिबार गौशाला पोलिक्लिनिक, गौशाला सिटी हेल्थ केयर र दिव्य हेल्थ क्लिनिक सिलबन्दी गरिएको हो।

औषधि व्यवस्था विभाग शाखा कार्यालय वीरगञ्जका फार्मेसी निरीक्षक डा. चन्देश्वर यादवनेतृत्वको टोलीले अनुगमन गर्दा अव्यवस्थित, दर्ता नगरेको र फर्मासिस्टविना सञ्चालन गरेको पाइएपछि तीनवटा पसलमा सिलबन्दी गरेको हो।

अनुगमनको क्रममा औषधि व्यवसायीले विनाफर्मासिस्ट पसल सञ्चालन गरेको, म्याद नाघेका औषधि सञ्चय गरेको र बिक्री गर्दा बिल नदिने गरेको पाइएको विभागले जनाएको छ। अनुगमनलाई निरन्तरता पनि विभागको भनाइ छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।