२७ पुस २०७६ , आइतवार

रक्तपरीक्षण सेवा शुरु

डोटी : निजी क्षेत्रबाट सञ्चालित शैलेश्वरी अस्पतालले रगत समूह परीक्षण सेवा शुरु गरेको छ।

दिपायल सिलगढी नगरपालिकाका नगरप्रमुख मञ्जु मलासीले शनिवार रक्तपरीक्षण सेवा शुरु गरिन्। प्रमुख जिल्ला अधिकारी टेकनारायण पौडेलले रक्तदानले सबैभन्दा ठूलो पुण्य प्राप्त हुने तर्क गरे। अस्पतालका निर्देशक आइजंग कुँवरले बिरामीको ज्यान जोगाउन उद्देश्यले रक्तपरीक्षण शुरु गरेको बताए।

जिल्ला सदरमुकाम सिलगढीमा तैनाथ रहेको रुद्रध्वज गणले हालसम्म ९७ बिरामीका लागि रक्तदान गरिसकेको निमित्त गणपति सन्तोष ढुंगेलले जानकारी दिए। कार्यक्रममा ५० जनाले रगत समूह परीक्षण गरेको अस्पतालले जानकारी दिएको छ ।

जिल्लामा बिरामीलाई रगतको आवश्यक परे नेपाली सेना, नेपाल प्रहरी तथा सशस्त्र प्रहरीको ३६ नम्बर गणले उपलब्ध गराउँदै आएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।