२५ पुस २०७६ , शुक्रबार

उपकुलपति चयन गर्न ‘सर्च कमिटी’ गठन

काठमाडौं : सुनसरीको धरानस्थित बीपी कोइराला स्वास्थ्य विज्ञान प्रतिष्ठानको उपकुलपति चयनका लागि सरकारले ‘सर्च कमिटी’ गठन गरेको छ।

प्रतिष्ठानका कुलपति प्रधानमन्त्री केपी शर्मा ओलीले उपकुलपति चयनका लागि शुक्रबार सहकुलपति स्वास्थ्य तथा जनसंख्यामन्त्री भानुभक्त ढकालको अध्यक्षतामा सर्च कमिटी गठन गरेका हुन्।

कमिटीमा अर्थ मन्त्रालयका सचिव डा. राजन खनाल, राष्ट्रिय योजना आयोगका सदस्य डा. उषा झा सदस्य छन्। तत्कालीन उपकुलपति प्रा.डा. राजकुमार रौनियार केही समयअघि घुसकाण्डमा मुछिएर निलम्बनमा परेका थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।