२२ पुस २०७६ , मङ्लबार

म्याग्दीमा भेटियाे स्क्रब टाइफस

म्याग्दी : जिल्लामा पहिलोपटक स्क्रब टाइफस संक्रमण पाइएको छ। बेनी नगरपालिका–९ की ६६ वर्षीया एक महिलामा स्क्रब टाइफसलाई संक्रमण भएको हो।

बेनी अस्पतालमा तीन शंकास्पद बिरामीलाई जाँच गर्दा ती महिलामा स्क्रब टाइफस ‘पोजिटिभ’ पाइएको चिकित्सकले बताएका छन्। ज्वरो निको नभएपछि उपचारका लागि अस्पताल आउँदा स्क्रब टाइफसको संक्रमण पाइएको डा. सुदीप अधिकारीले जानकारी दिए।

स्क्रब टाइफसका बिरामीमा आँखा रातो हुने, झाडापखला लाग्ने, टाउको दुख्ने, पसिना धेरै आउने जस्ता लक्षण देखिने भएकाले तुरुन्तै स्वास्थ्य संस्था जानाुपर्ने चिकित्सक बताउँछन्। मुसाबाट संक्रमण हुने भएकाले घर वरपरको वातावरण सफा राख्ने, झाडीमा जाँदा जीउ ढाक्ने कपडा लगाउने गर्न उनीहरूले सुझाव दिएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।