स्वस्थ दूध पिउने बच्चाहरूमा चिल्लो पदार्थ बढी भएको दूध पिउनेहरूको तुलनामा मोटोपनको सम्भावना कम हुने एक अध्ययनले देखाएको छ।

हालै सार्वजनिक गरिएको एक अध्ययनले ‘होल मिल्क’ अर्थात् स्वस्थ दूध पिएका बच्चामा मोटोपनको सम्भावना कम हुने गरेको पाइएको हो।

सेन्ट माइकल अस्पताल अफ युनिटी हेल्थ टोरन्टोको नेतृत्वमा भएको एक अध्ययनपछि ‘अमेरिकन जर्नल अफ क्लिनिकल न्यूट्रिसन’मा उक्त अध्ययन प्रतिवेदन प्रकाशित छ।

चिल्लो पदार्थयुक्त दूध पिउने बच्चाहरूको तुलनामा स्वस्थ दूध पिउने बच्चाहरुमा मोटोपना र बढी तौलको समस्या ४० प्रतिशत कम हुने गरेको अध्ययन प्रतिवेदनमा उल्लेख छ।

अध्ययन प्रतिवेदन सात फरक फरक देशका २८ अध्ययनको विश्लेषण गरेर तयार पारिएको जनाइएको छ। ती अध्ययनमा २१ हजार बालबालिकालाई सहभागी गराइएको थियो। तीमध्ये अधिकांश क्यानडा र अमेरिकाका बालबालिका थिए।

अध्ययनको नेतृत्व गरेका डा जोनाथन मागुइरेले दूध सेवनको अवस्था नै बालबालिकाको बढी तौल हुने कि नहुने भन्ने कुराको मुख्य कारक रहेको बताए।