१७ पुस २०७६ , बिहिबार

गर्भवतीलाई हेलिकोप्टरमार्फत उद्धार

रुकुम पूर्व : सुत्केरी व्यथा लागेकाे एक महिलालाई हेलिकोप्टरमार्फत उद्धार गरिएको छ। सुत्केरी व्यथाबाट ज्यान जोखिममा परेकी रुकुम पूर्व पुथाउत्तरगङ्गा गाउँपालिका–५ गरेकी २६ वर्षीया लीलामती विकलाई बुधबार हेलिकोप्टरमार्फत उद्धार गरिएको हो।

विकलाई नेपालगञ्ज लगिएको रुकुम पूर्वका प्रजिअ मोहनप्रसाद अर्यालले जानकारी दिए। ४८ घण्टाअगाडि सुत्केरी व्यथा शुरु भए पनि बच्चा जन्मिन नसकेपछि महिला, बालबालिका तथा ज्येष्ठ नागरिक मन्त्रालयसँगको समन्वयमा उनलाई हेलिकोप्टरमार्फत नेपालगञ्ज लगिएको प्रजिअ अर्यालले बताए।

उनलाई सुत्केरी व्यथा लागेपछि स्थानीय स्वास्थ्यचौकीमा लगिएको थियाे। स्वास्थ्यकर्मीले बच्चा निकाल्न जिल्लामा असम्भव हुने बताएपछि विकलाई नेपालगञ्ज रिफर गरिएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।