दादुरा महामारीविरुद्ध लड्न राष्ट्रसंघकाे आग्रह
दक्षिणी प्रशान्त महासागरीय देशहरुमा केही समययता फैलिएको दादुरा महामारीविरुद्ध लड्न राष्ट्रसंघले आग्रह गरेको छ।
ती देशमा बढ्दै गएको प्रकोप कम गर्न हाल अष्ट्रेलिया र न्युजिल्याण्डले सहयोग गरिरहेका छन्। महामारीविरुद्धको अभियानमा सघाउन अरु देशलाई पनि आग्रह गरिएको छ।
संयुक्त राष्ट्रसंघका महासचिव एन्टोनियो गुटर्रेसले सो आग्रह गरेको महासचिवका प्रवक्ताद्वारा जारी विज्ञप्तिमा उल्लेख छ।
दक्षिणी प्रशान्त महासागरीय क्षेत्रका कम्तीमा तीन लाख नागरिकमा यसको संक्रमण देखिएको समाचार यसअघि नै आएको थियो। प्रकोप प्रतिदिन बढ्दै जान सक्ने खतरालाई मध्यनजर गर्दै यसका लागि सघाउन आग्रह गरिएको हो।
खासगरी समोआ, फिजी, टोंगा, भानुआतु, कुक आइल्याण्ड, नाउरु, टुभालू आदिमा दादुराको प्रकोप बढ्दै गएको छ। यसको प्रकोपका कारण यहाँ सयौँ नागरिकको ज्यान गएको समाचारमा जनाइएको छ।
महामारी नियन्त्रणका लागि संयुक्त राष्ट्रसंघीय बालकोष, युनिसेफको नेतृत्वमा केही सहायता सहायता एजेन्सीहरूले काम गरिरहेका छन्।
ती देशमा अझै ठूलो सहयोग र प्रतिबद्धताको आवश्यकता रहेको पनि बालकोषले जानकारी दिएको छ। विश्व स्वास्थ्य संगठनले यहाँको अवस्थालाई अझ गम्भीर रूपमा लिन आग्रह गरेको छ।
संयुक्त राष्ट्रसंघको पछिल्लो आग्रह बमोजिम अष्ट्रेलिया र न्युजिल्याण्ड सरकारले भने सघाउने प्रतिबद्धता व्यक्त गरेका छन्। तर अरु पनि स्वास्थ्य क्षेत्रमा काम गर्ने सहायता एजेन्सीहरूसमक्ष सहयोगको आग्रह गरिएको हो।
यसैबीच टापुहरुले भरिएको देश समोआमा दादुराको महामारीबाट मध्य अक्टोबरबाट हालसम्म ७० जनाको मृत्युको भएको सरकारी स्रोतले जानकारी दिएको छ।
सो रोग निगरानी टोलीकाअनुसार चार हजार ६९३ दादुराको संक्रमण सरकारले जारी गरेको विज्ञप्तिमा जनाइएको छ।
हाल मात्र पनि संक्रमित १५९ अस्पतालमा भर्ना छन्। समोआ हाल आपतकालको अवस्थामा रहेको छ।
गत बिहीबार र शुक्रबार प्रायः सार्वजनिक र सरकारी सेवा बन्द गरिएको थियो। गत डिसेम्बर ८ मा ९० प्रतिशत सर्वसाधारणलाई दादुराविरुद्धको सार्वजनिक खोप लगाइएको सरकारी स्रोतले जानकारी दिएको छ।
मातृ तथा नवजात शिशु मृत्युदर घटाउन मिडवाइफको भूमिका महत्वपूर्ण
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो