१९ मंसिर २०७६ , बिहिबार

मेडिकल कलेजले लिएको शुल्क छानबिन गर्न कार्यदल गठन

काठमाडौं : मेडिकल कलेजले लिएको शुल्कको अध्ययन र छानबिन गर्न चिकित्सा शिक्षा आयोगले पाँच सदस्यीय कार्यदल गठन गरेको छ।

शैक्षिक सत्र २०७२\७३ र ०७३\७४ मा मेडिकल कलेजहरूले लिएको शुल्कको विषयमा अध्ययन, छलफल र छानबिन गर्न आयोगको योजना, समन्वय तथा प्राज्ञिक उन्नयन निर्देशनालयका निर्देशकको संयोजकत्वमा पाँच सदस्यीय कार्यदल गठन भएको आयोगका उपसचिव तुलसीप्रसाद आचार्यले विज्ञप्ति निकालेर जानकारी दिएका हुन्।

यही मंसिर १० गते सरकार र मेडिकल कलेजबीचको बैठकपछि दुई शैक्षिक सत्रको शुल्कको विषयमा अध्ययन गरी निर्णय लिन आयोगले कार्यदल गठन गर्ने सहमति भएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।