२५ कार्तिक २०७६ , सोमवार

डा केसी आउन नमानेपछि रित्तै फर्कियो हेलिकोप्टर

काठमाडौं: चिकित्सा शिक्षामा सुधारको माग राख्दै डडेल्धुरामा अनशनरत डा गोविन्द केसीलाई लिन गएको हेलिकोप्टर रित्तै फर्किएको छ ।

डा केसीको स्वास्थ्य अवस्था कमजोर बन्दै गएपछि उनलाई लिन सरकारले सोमबार हेलिकोप्टर पठाएको थियो । तर डा केसीले काठमाडौं आउन नमानेपछि हेलिकोप्टर रित्तै फर्किएको हो ।

डा केसीको स्वास्थ्य अवस्था नाजुक बनेको र उनलाई सुविधासम्पन्न अस्पतालमा लान चिकित्सकहरुले सुझाव दिइरहेका छन्। तर उता डा केसीले भने आफना माग पूरा नभएसम्म सो स्थान छोडेर कहीं नजाने अडान लिएपछि उनलाई काठमाडौं ल्याउने सरकारकोे प्रयास असफल भएको हो ।

उनको अडानमा स्थानीयले पनि साथ दिएकाले काठमाडौं पठाउन नसकिएको डडेल्धुराका प्रमुख जिल्ला अधिकारी राजुप्रसाद पौडेलले जानकारी दिए । डा केसी ८ दिनदेखि डडेल्धुरामा आमरण अनशनमा छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।