स्वास्थ्यकर्मी संघको नयाँ नेतृत्वका लागि मतदान शुरू
काठमाडौं: नेपाली कांग्रेस निकट स्वास्थ्यकर्मीहरुको संगठन नेपाल स्वास्थ्यकर्मी संघको नयाँ नेतृत्व छनौटका लागि आज चुनाव भइरहेको छ ।
सहमति गर्ने प्रयास गरिए पनि सम्भव नभएपछि आज विहान ८ बजे देखि मतदान शुरु भएको हो । संघको अध्यक्ष पदका लागि वर्तमान अध्यक्ष रामजी घिमिरे र सह अध्यक्ष ओमप्रसाद उपाध्यायले उम्मेदवारी दिएका छन्। घिमिरेले दुई कार्यकाल काम गरिसकेका छन भने उपाध्याय वर्तमान सह अध्यक्ष हुन्।
शुरुमा अध्यक्षका लागि ४ जनाको नाम आएको थियो । अर्का सह अध्यक्ष कृष्ण नागिला र सल्लाहकार धनप्रसाद पौडेलले पनि आकांक्षा देखाएका थिए । उनीहरुले उपाध्यायलाई नै समर्थन गर्ने गरी उम्मेदवारी फिर्ता लिएका छन्।
उपाध्याय स्वच्छ छविका देखिएकाले उनको पक्षमा मत परिणाम आउने अनुमान धेरैले गरेका छन्। यद्यपी विवादमा आएका भए पनि घिमिरे पनि बलिया उम्मेदवार भएकाे बताइन्छ।
यसैगरी संघको वरिष्ठ उपाध्यक्षमा दीपक मुडभरी रामचन्द्र साह र भवानी शर्मा प्रतिष्पर्धामा उत्रिएका छन्। यस्तै संघको महासचिव पदमा दीपकप्रसाद भट्ट र शंकर कँडेलेको उम्मेद्धारी परेको छ ।
हरेक चार चार बर्षमा हुनुपर्ने अधिवेशन यसपटक भने दुई बर्ष ढिला गरि भएको छ । संघमा अहिले १८ हजार भन्दा बढी सदस्य रहेका छन्।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा