१८ कार्तिक २०७६ , सोमवार

प्रा. डा. केसीद्वारा डडेल्धुरामा अनशन शुरु

काठमाडौं : पूर्वसहमति कार्यान्‍वयन गर्न माग गर्दै चिकित्सक प्रा. डा. गोविन्द केसीले डडेल्धुरामा अनशन शुरु गरेका छन्। डडेल्धुरास्थित एक निजी घरमा उनले १७औँ अनसन शुरु गरेका हुन्।

गत असोजको अन्तिम सातात्रिभुवन विश्वविद्यालय शिक्षण अस्पतालबाट अवकाश लिएपछि डा. केसीको यो पहिलो अनशन हो । त्रिभुवन विश्वविद्यालय शिक्षण अस्पतालबाट अवकाश लिने क्रममा उनले पत्रकार सम्मेलन गरी सरकारलाई आफ्ना माग पूरा गर्न कात्तिक १३ गतेसम्मको ‘अल्टिमेटम’ दिएका थिए। तिहार र छठको कारण भन्दै उनले सोमबार अनशन शुरु गरेका हुन्।

प्रा. डा. केसीले नेपालका सबै निजी मेडिकल कलेजले अवैध रूपमा असूल गरेको रकम फिर्ता गर्नुपर्ने, नेताहरू उपचारका लागि सरकारी खर्चमा विदेश जान रोक्नुपर्ने, विभिन्न आयोगले दोषी ठहर्‍याएकालाई कारवाही हुनुपर्ने लगायतका माग राखेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।