सरकारी अस्पताललाई ताइवानीले दिए भिडियो एक्सरे मेसिन
तनहुँ : जिल्लाको सदरमुकामस्थित एक मात्र सरकारी अस्पताललाई ताइवानी रोटरियनले भिडियो एक्सरे मेसिन सहयोग गरेको छ।
दमौली अस्पतालले प्रवाह गर्ने सेवालाई थप गुणस्तरीय बनाउनका लागि रोटरी क्लब अफ ताइपेइ र रोटरी क्लब अफ पातेसुतेको सहयोगमा रोटरी क्लब अफ दमौलीले अस्पताललाई करिब आठ लाख रूपैयाँ पर्ने भिडियो एक्सरे मेसिन हस्तान्तरण गरेको हो।
उक्त मेसिन अस्पताल व्यवस्थापन समितिका अध्यक्ष प्रदीपराज अधिकारीलाई हस्तान्तरण गर्दै पूर्वसंविधानसभा सदस्य एवं क्लबका पूर्वअध्यक्ष रामचन्द्र पोखरेलले उपकरणको सही सदुपयोग गर्नुपर्नेमा जोड दिए।
अस्पताल व्यवस्थापन समितिका अध्यक्ष अधिकारीले अस्पतालमा सेवा लिन आउने बिरामीलाई मेसिनले सहज हुने बताउँदै सही सदुपयोग गर्ने प्रतिबद्धता जनाए।
अस्पतालका डा रामहरि दाहालले उक्त मेसिनबाट ट्युमर, मिर्गौलामा पत्थरी र फोक्सोमा पानी जमेको पत्ता लगाउन सकिने जानकारी दिए।





डा चेतना पौडेल रजिष्टर्ड प्राकृतिक चिकित्सक हुन् : योग तथा प्राकृतिक चिकित्सक संघ
अफ्रिकामा महिलाका अधिकारमाथि चुनौती, ‘मापुटो प्रोटोकल’ बचाउन आह्वान
एमडीएच फर्मास्युटिकल्सलाई क्वालिटी अचिभमेन्ट अवार्ड
ल्वाङलाई औषधिको रुपमा कसरी प्रयोग गर्ने ?
नेपाली औषधि कम्पनी म्याग्नस फार्मा अन्तर्राष्ट्रिय गुणस्तर अवार्डबाट सम्मानित