४ कार्तिक २०७६ , सोमवार

बिरामीको मृत्यु भएपछि चितवन मेडिकल कलेजमा तोडफोड

चितवन : चितवन मेडिकल कलेज (सीएमसी) मा तोडफोड भएको छ। उपचारकाे क्रममा बिरामीको मृत्यु भएपछि आक्रोशितहरूले आइतबार साँझ तोडफोड गरेका हुन्।

नाकको अप्रेसन गर्न आएकी नवलपरासी मध्यबिन्दु नगरपालिका ९ की ३२ वर्षीय आशा ज्ञवालीको उपचारका क्रममा शनिबार मृत्यु भएको थियो। ज्ञवालीको अस्वभाविक मृत्यु भएको भन्दै उनका आफन्तलगायतले आइतबार तोडफोड गरेका हुन्।

घटनाका विषयमा अस्पताल प्रशासन र मृतकका आफन्तबीच छलफल चलिरहेको अवस्थामा अस्पताल बाहिरबाट गएको एक समूहले तोडफोड गरेको अस्पतालका निर्देशक डा. दयाराम लम्सालको भनाइ छ।

तोडफोडपछि भिडलाई तितरबितर पार्न प्रहरीले केही सेल अश्रुग्याससमेत प्रहार गरेकाेथियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।