२ कार्तिक २०७६ , शनिबार

क्यान्सरबाट मृत्यु भएकाहरुको सम्झना गर्दै नेपाल क्यान्सर अस्पतालले गर्‍यो दिप प्रज्वलन

काठमाडौं : क्यान्सरबाट मृत्यु भएका व्यक्तिहरुलाई सम्झदैं शुक्रबार दिप प्रज्वलन गरिएको छ ।

हरिसिद्धिस्थित नेपाल क्यान्सर अस्पताल तथा रिसर्च सेन्टरले आफ्ना बिरामीहरुको सुस्वास्थ्यको कामना गर्दै र क्यान्सरबाट मृत्यु भएकाको सम्झना गर्दै दिप प्रज्वलन गरेको हो । हरेक वर्ष अक्टोवर महिनालाई स्तन क्यान्सर सचेतना महिनाको रुपमा मनाउने गरिन्छ । यही सन्दर्भ पारेर अस्पतालले दिप प्रज्वलन गरेको हो ।

कार्यक्रममा क्यान्सरबाट निको भएका व्यक्ति , उपचारमा रहेका बिरामी एवं अस्पतालका कर्मचारीहरु सहभागी थिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।