१२ अशोज २०७६ , आइतवार

भाइरल ज्वरो र टाइफाइडका बिरामीको चाप

ताप्लेजुङ : जिल्ला अस्पताल ताप्लेजुङमा भाइरल ज्वरो र टाइफाइडका बिरामीको चाप बढेको छ।

झाडापखाला, भाइरल ज्वरो, श्वाप्रश्वस्वास, निमोनिया टाइफाइड, पिसाबमा रगत देखिने लगायतका संक्रमण भएका बिरामीको चाप बढेको हो। अस्पतालमा शय्यासमेत अभाव छ। शय्या अभावमा भुँइमा राखेर उपचार गर्नु पर्ने अवस्था रहेको अस्पतालले जनाएको छ।

जिल्ला अस्पताल ताप्लेजुङमा १५ शय्या रहे पनि हाल २५ जनाभन्दा बढी बिरामी भर्ना भएका छन्। देशमा रहेका जिल्ला अस्पताहरुलाई सरकारले ५० शय्याको बनाउने भने पनि अहिलेसम्म कार्यान्वयन नभएको अस्पतालका निमित्त प्रमुख डा. सोनिङ लामाले बताए।

अस्पतालमा दरबन्दी अनुसारको कर्मचारी तथा औषधि समेत सबै प्रकारका नभएको कारण उपचार गराउन कठिनाइ भएको बताइएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।